Gjykata e Posaçme Kundër Korrupsionit dhe Krimit të Organizuar (GJKKO) ka shtyrë për në 13 janar seancën gjyqësore për padinë e shpifjes të bërë nga ish-Drejtori i Policisë së Shkodrës, Edmond Sula, ndaj deputetit të Partisë Demokratike, Gazmend Bardhi.
Shtyrja u bë pasi Bardhi nuk kishte marrë dijeni për seancën e planifikuar për këtë të hënë, në të cilën ishte i pranishëm vetëm Edmond Sula.
Gjatë seancës së mëparshme, palët refuzuan të zgjidhnin konfliktin me pajtim, duke e çuar çështjen drejt një procesi gjyqësor të plotë.
Padia ndaj Bardhit lidhet me deklaratat e tij në foltoren e Kuvendit, më 12 shtator, ku ai akuzoi ish-drejtorin Sula, duke cituar disa komunikime të pretenduara nga aplikacioni “Sky ECC”.
Përveç kësaj çështjeje, Bardhi po përballet me një tjetër padi në GJKKO nga OSHEE sha.
