Një transformator i tensionit të lartë ka shpërthyer në autostradën Tiranë-Durrës pak minuta më parë.
Mësohet se 3 persona kanë mbetur të plagosur. Policia ka dhënë edhe detajet e para lidhur me ngjarjen e rëndë, ku njëri nga të plagosurit është në gjendje kritike për jetën.
Sipas policisë, shkaku i shpërthimit të transformatorit ka qenë nga shkëndijat elektrike. Transformatori ka qenë pranë një objekti në rikonstruksion, në rrugën dytësore, në autostradën Tiranë- Durrës.
Nga shpërthimi janë plagosur rëndë tre persona, nga të cilët raportohet se njëri prej tyre është në gjendje më kritike.
Të plagosur janë punonjësit me iniciale: F.Ç., S.Ç., dhe Gj.S. Ata janë transportuar në Spitalin e Traumës në Tiranë për mjekim të menjëhershëm.
