Para disa ditësh, Shoqatat e Transportit Ndërqytetar të të gjithë vendit protestuan para Ministrisë së Infrastrukturës.
Sipas tyre pronarët e linjave ndërqytetare janë në vështirësi ekonomike dhe kërkojnë mbështetje nga qeveria.
Ditën e sotme ata kanë publikuar një deklaratë për mediat dhe ka bërë të ditur se nuk do të fillojë punë në datën 15 qershor.
Unioni deklaroi se nuk do të rifillojnë punën ditën e hënë në datë 15, sikur vendosi qeveria, pa u plotësuar kushtet e tyre.
Pas protestave të ditëve të fundit, Unioni deklaroi se nuk mund të respektohet protokolli i vendosur nga qeveria.
Është e pamundur të respektohet protokolli.
Shoqata si pikë të parë kërkon që transporti të jetë falas për udhëtarët gjatë pandemisë, por të subvencionohen nga shteti.
KERKESAT:
- Heqjen e akcizës për blerjen e naftës nga shoqëritë e transportit publik;
2.Njohjen e shpenzimit të zbritshëm 100% për naftën pasi është lënda jonë e parë;
- Subvencionimin e 50% të ngarkesës direkt në llogaritë e shoqërive të transportit duke marrë parasysh lejen e udhëtimit për të kuptuar sa kapacitet ka një mjet;
4.Zbritjen e TVSH-së në shitje nga 20% në 0 % për vitin 2020 dhe rikthimin e saj në nivelet e sektorit të turizimit 6% pasi dhe transporti është një nga hallkat e tij;
- Faljen e taksave vendore të mjeteve për vitin 2020;
- Të merren masa urgjente nga strukturat kompetente shtetërore, për luftimin e transportit të udhëtarëve me mjete informale, të cilat kanë vazhduar pa ndërprerje aktivitetin e paligjshëm!
https://www.facebook.com/shoqataetransportit/videos/3080419592012349/
