Aktorja e njohur Demi Moore ka shokuar fansat me paraqitjen e saj te re. Moore ka marrë pjesë në sfilatën e “Fendi” në javën e modës në Paris, por ajo ishte thuajse e panjohur për shkak të ndërhyrjeve të saj plastike. Shumë foto qarkullojnë në rrjet ku duket qartë ndryshimi që ylli i Ghost ka pësuar.
Demi ka sfiluar e veshur me një kostum të zi silk dhe me vathë të mëdhënj e ndjekur nga modele të tjera të njohura si Kate Moss, Cara Delevigne, Bella Hadid etj. Vetë aktorja e ka cilësuar këtë eksperiencë si përmbushjen e një ëndrre të adoleshencës.
Ndërkohë shumë fansa dhe ndjekës të saj kanë qenë kritik për ndërhyrjet që Moore ka kryer. Ata thonë në Twitter se aktorja nuk ka asnjë lidhje me Demi-n e mëparshme dhe se ka përdorur shumë botox, ka mbushur mollëzat dhe ka tërhequr cepat e buzëve. Të tjerë thonë se ndërhyrja në fytyrën e saj ka dështuar ndryshe nga yjet e tjerë që ia kanë dalë të duken mirë edhe me botox. Në vitin 2010 Demi Moore kishte pranuar për revistën Elle se kishte kryer ndërhyrje, por jo në fytyrën e saj. Me sa duket tashmë kishte ardhur momenti edhe për diçka të tillë edhe pse rezultati nuk është mjaft i këndshëm.
