Policia Rrugore është duke monituar me radar disa akse kryesore në vend, siç janë ato Tiranë-Durrës-Tiranë dhe Sauk -Tuneli i Kërrabës-Tiranë. Në këto akse janë kapur shoferë që qarkullojnë me 145 km/h – 164 km/h, në kushtet edhe kur fluksi i mjeteve në lëvizje është i madh.
Cilado qoftë arsyeja, drejtimi i mjetit në këtë mënyrë është i papranueshëm dhe vrastar🚑. 🛫 rrezik potencial për të shkaktuar ngjarje rrugore dhe pasoja fatale për jetën e drejtuesit, pasagjerëve, por edhe të përdoruesve të tjerë të rrugës.
Si rezultat i kontrollit me radar, prej orëve të mbasdites së djeshme janë pezulluar 18 leje drejtimi për shpejtësi mbi normat e lejuara, janë vendosur dy masa maksimale nga 30 mijë lekë për shpejtësi tej normave të lejuara pasi drejtuesit e mjeteve ishin shtetas të huaj dhe 21 masa administrative për shpejtësi dhe parakalime të rrezikshme në rrugë.
Gjithashtu nga verifikimi rezultoi se krahas shpejtësisë ekstreme për kushtet e rrugës, 4 prej tyre ishin debitor me mbi 5 masa administrative te pashlyera si dhe dy rezultuan të pasiguruar dhe certifikuar teknikisht.
