Hartës së qyteteve të prekura nga koronavirusi në vendin tonë iu shtua edhe Berati.
Pacientja është një 44-vjeçare me iniciale K.M., nga fshati Rroshnik.
Menjëherë i janë bërë analizat bashkëshortit të saj dhe djalit.
Pas konfirmimit të rastit, Bashkia e Beratit ka nisur dezinfektimin e fshatit.
Gjithashtu nga ISHP ka nisur gjurmimi i kontakteve të 44-vjeçares.
Kjo e fundit jetonte dhe punonte prej vitesh në Tiranë dhe pas mbylljes së shumë bizneseve ishte kthyer në fshat me djalin dhe bashkëshortin.
Pas dyshimeve se mund të ishte infektuar, ajo iu drejtua Drejtorisë së Higjienës dhe Shëndetit Publik në Berat për të bërë analizat, por pa njoftuar asnjë nga të afërmit.
Menjëherë pas konfirmimit, punonjësit e higjienës të Beratit dhe forcat e policisë, shkuan për të bërë karantinimin e banesës dhe dezinfektimin.
Mësohet se 44-vjeçarja ka 10 ditë që ka ardhur në fshat dhe gjatë kësaj kohe ka takuar shumë persona.
