Një ngjarje e rëndë ka ndodhur ditën e sotme në Shkodër. Sipas raportimeve të Policisë ka të bëjë me një rast dhune, ku nusja ka dhunuar vjehrrën. Denoncimi në polici është bërë nga vetë vjehrra, 82 vjeç. Kjo e fundit po merr ndihmë mjekësore në Spitalin Rajonal Shkodër, përshkak të goditjeve të marra. Ndërkohë, policia ka ndaluar 43-vjeçaren Elvira Buçin, nusen e djalit të 82-vjeçares, e cila dyshohet se e ka goditur dhe dhunuar me shkop., banuese në Shkodër. 82-vjeçarja e cila u dhunua nga nusja e djalit, u gjet nga fqinjët e gjakosur të cilët më pas e kanë dërguar në spital.
Foto nga 82-vjeçarja
Elmira Buci dyshohet se e ka dhunuar vjehrrën me shkopin e dorës, ndërsa djali i saj, Ylli Buci e ka mbajtur të mbyllur në shtëpi.Fqinjët shprehen se kjo nuk është hera e parë që e moshuara është dhunuar, ndërsa djali i saj nuk ka reaguar për të mbrojtur të ëmën. Ngjarja e rëndë është bërë publike nga banorët e zonës, të cilët i bëjnë thirrje autoriteteve që të marrin masa të menjëhershme për të ndaluar këto akte mizore dhe për të siguruar drejtësi për të moshuarën. Ky rast ka tronditur komunitetin lokal, duke nxjerrë në pah problemin e dhunës në familje, sidomos ndaj të moshuarve, dhe ka nxitur kërkesat për veprime të rrepta ligjore ndaj përgjegjësve
