Ndryshime të reja kanë ndodhur në Agjencinë Shtetërore të Kadastrës Durrës.
Sipas informacioneve të marra mësohet se Viola Hima është shkarkuar nga ky post vetëm disa muaj pas emërimit. Ajo do të zëvendësohet nga Rajmonda Dashi, e cila më herët ka mbajtur të njëjtin post në Kadastrën e Krujës.
Nuk dihet ende shkaqet e shkarkimit të Viola Himës, ndërsa mësohet se konkursi për drejtor është shtyrë për në datë 15 shtator.
Kujtojmë se Viola Hima u emërua drejtoreshë e Hipotekës së Durrësit, pas dorëheqjes së drejtorit Rezart Elmazi. Hima, më parë ka qënë drejtore e hipotekës së Vlorës, ku ka qëndruar vetëm 3 ditë në punë, u emërua të premten, më 29 maj dhe u dorëhoq të hënën në 1 qershor, 2020.
Hima ishte drejtuesja e gjashtë e dorëhequr nga ky post drejtues në 9 muajt e fundit të 2020 dhe e 14-ta që prej vitit 2013.
Hipoteka e Durrësit ka qënë objekt i disa hetimeve për grabitjen e pronave në bregdet.
Lëvizjet e shumta të drejtuesve të këtij institucioni, duket se lidhen me çështjet e pronave në bregdet. Largimet e shpeshta të drejtuesve, kanë krijuar ngërç në vijimësinë e punës së këtij institucioni, madje asnjë nga Vlora nuk ka pranuar të marrë drejtimin e tij.
Viola Hima për periudhën që ka mbajtur postin e N/ Drejoresës njihet si një person i qetë dhe njohëse e mirë e të gjitha procedurave që përmban istitucioni i ASHK- s. Nga fillimi i shtatorit, zyra e kadastrës në Vlorë regjistroi një seri të pazakontë largimesh nga puna të drejtuesve të saj. Pesë drejtues të këtij institucioni dhanë dorëheqjen brenda pak muajsh, me pretendimin se vendimi i tyre bazohej në arsye personale dhe familjare.
