Ditën e sotme,reshjet e shiut kanë përgjakur rrugët e vendit nga aksidentet.
Bëhet e ditur se sot janë shënuar në total 12 aksidente, ndërkohë që 18 persona janë plagosur. Në qarkun e Fierit u regjistruan 3 aksidente. Më e rëndë ishte përplasja e dy makinave, ku mbetën të plagosur dy shoferët dhe një pasagjer.
Ndërkohë që në aksin Tepelenë-Gjirokastër sërish dy drejtues mjetesh mbetën të plagosur. Drejtuesi i mjetit dhe pasagjeri 19-vjeçar në një prej makinave morën plagë të lehta.
Gjithashtu dy aksidente të njëpasnjëshme u shënuan po ashtu, në aksin Elbasan-Librazhd, pranë kthesave të “Murrashit”. Shkak për aksidentet janë bërë reshjet e dendura të shiut, por fatmirësisht nuk ka pasur dëme të rënda në njerëz. Në një prej tyre, makina përplasi një motor dhe u largua nga vendngjarja. Në Kukës, që prej orëve të para të mëngjesit u shënuan 3 aksidente me 3 të plagosur.
Në segmentin Kukës-Morinë në Rrugën e Kombit, një auto-bot është u përplas me trafik-ndarëset. Shoferi nga Kosova u dërgua në spital për të marrë ndihmën mjekësore, fatmirësisht jashtë rrezikut për jetën. Shkak dyshohet lagështia në rrugë. Në fshatin Shelqet të Shkodrës u shënua aksident me 3 të plagosur, njëri prej të cilëve në gjendje më të rëndë.
Pasdite në aksin Elbasan – Peqin, pranë fshatit Papër u përplasën dy mjete dhe mbetën të plagosur të dy drejtuesit. Ndërkohë në mbrëmje në fshatin Papër të Elbasanit dy persona që udhëtonin me dy makina u aksidentuan. Për pasojë dy shoferët morën plagë të lehta.
Vlen të theksohet që lagështia e madhe në rrugë ishte disavantazh në qarkullimin e mjeteve teksa edhe monovrimet e gabuara të shoferëve kanë ndikimin e tyre. Nga ana tjetër, Policia e Shtetit ka një bërë një thirje të rëndësishmepër të gjithë drejtuesit e automjeteve dhe motomjeteve që të respektojnë me rigorozitet sinjalistikën rrugore dhe të moderojnë shpejtësinë.
Kjo, pasi në disa akse rrugore ka prezencë të ujit në rrugë, të mos kryejnë parakalime të gabuara, të mos përdorin aparatin celular gjatë drejtimit të mjetit dhe të vendosin rripin e sigurimit, ndërsa drejtuesit e motomjeteve të vendosin kaskën mbrojtëse.
