Shërbimi i Kontrollit të Brendshëm të Burgjeve ka arrestuar ditën e sotme një punonjës burgu. Sipas informacioneve paraprake mësohet se në pranga ka rënë një punonjës i Forcave operacionale, pasi akuzohet se vidhte duke shpërdoruar detyrën.
Shërbimi I kontrollit të brendshëm të burgjeve vuri në pranga punonjësin me iniciale B.B pasi përdorte kartën e furnizimit të karburantit të makinës së punës për furnizimin e makinës së tij private dhe të afërmve të tij.
Kundër tij kishte nisur një hetim prej disa javësh dhe sot është bërë i mundur arrestimi i tij. Polici i burgut pritet tashmë që të dalë para gjykatës.
