Tre ditë pas përleshjes fizike që ndodhi në Kamëz, policia ka arrestuar dy kushërinjtë Marjo dhe Ersjon Boja.
Ngjarja ndodhi më 24 mars, kur ata sulmuan 38-vjeçarin Redi Vata, duke e goditur me sende të forta, pas një sherri për motive të dobëta. Si pasojë e dhunës, Vata u dërgua në spital për trajtim.
Policia ka arrestuar Marjo Boja, 26 vjeç, dhe Ersjon Boja, 30 vjeç, ndërsa Prokuroria e Tiranës ka vendosur të procedojë ata në gjendje të lirë.
Gjatë kontrollit në shtëpinë e Marjo Bojës, u gjet një armë zjarri pistoletë (me leje) dhe një sasi municioni luftarak, të cilat u sekuestruan si prova materiale.
“Specialistët për Hetimin e Krimeve të Komisariatit të Policisë Nr. 5 kapën shtetasit e shpallur në kërkim M. B., 26 vjeç dhe E. B., 30 vjeç, pasi më datë 24.03.2025, në Kamzë, për motive të dobëta, dyshohet se kanë goditur me sende të forta, shtetasin R. V.. Materialet procedurale për rastin iu referuan Prokurorisë së Tiranës, e cila vendosi procedimin në gjendje të lirë të këtyre 2 shtetasve“-njofton policia.
