Teksa tregu i kompanive celulare është kthyer në një oligopol në vendin tonë, ankesat e qytetarëve janë të panumërta. Një nga ‘viktimat’ e shërbimit skandaloz që ofron kompania telefonike ONE është edhe deputeti socialist Erion Braçe. Sipas tij edhe pse ka qenë i rregullt me pagesat e faturave në bankë, kompania ‘ONE’ nuk i njeh pagesat dhe i ka bllokuar thirrjet. Me anë të një postimi në facebook, Braçe shkruan se arroganca e kompanisë në marrëdhëniet me njerëzit është e neveritshme. Deputeti akuzon kompaninë celulare për abuzim masiv me klientët, përfshirë edhe atë vetë, që sipas tij ka 1 muaj pa shërbim celular.
Postimi i plotë:
KAM NJË MUAJ PA TELEFON, NJË MUAJ PLOT! SOT ËSHTË DATA 31 KORRIK, DITA E FUNDIT DHE, UNË ÇDO DIT KAM QENË PA TELEFON!
NGA NESËR, DUHET EDHE TË PAGUAJ FATURËN PA PATUR ASNJË MINUTË TË ÇDO DITE TË KËTIJ KORRIKU, SHËRBIM-telefon, internet, mesazhe!
UNË JAM NËN KONTRATË ME KOMPANINË ONE; PREJ VITESH!
Po prej vitesh paguaj detyrimet permes BANKËS! Në bankë mësova se kjo kompani nuk dërgonte më në bankë faturat e mia; si unë ishin shumë me këtë problem.
Çdo javë te këtij Muaji, kam qenë në dyqanin e tyre; Pas javës së dytë u bindën dhe një javë më parë fatura kishte mbërritur ne bankë; Prej BANKËS kam marrë vërtetimin se ÇDO FATURË E PARAQITUR PRANË BANKËS ËSHTË PAAAGUUUUAAAAR!
Ua çova një të hënë më parë në dyqanin e tyre! Por, përsëri TELEFONI ËSHTË I BLLOKUAR, INTERNETI PO ASHTU! Më duhet të rri në zona me ËiFi prej një muaji! Ajo që më acaron është që NUK REAGOJNE! Heshtin dhe bllokojnë!
Natyrisht ARROGANCA e këtyre në marredhënie me njerëzit është e NEVERITSHME; unë nuk jam i vetmi me këtë hall! E gjitha në një treg DUOPOL-me veç dy kompani, e ka degraduar këtë shërbim në NJË SHËRBIM MIZERABËL! Kaq!
