Shërbimet e inteligjencës amerikane kanë publikuar së fundmi një raport ku theksohej se Ballkani Perëndimor mund të përballet me kërcënime për konflikte ndër-etnike gjatë këtij viti.
Në raportin e publikuar, theksohet fati se politikanët nacionalistë mund t’i përdorin ndasitë etnike për të penguar përparimin e rajonit dhe për të përfituar terren politik për vete.
Në lidhje me këto të dhëna ka reaguar kryeministri i Kosovës Albin Kurti. Ai u shpreh se konfliktet nisin nga autokracia në Beograd bashkë me lidhjet që ka me Rusisë, ky shtet.
“Konfliktet nuk janë nder-etnike, nuk është dallimi etnik ai që shkakton konflikt por është autokracia në Beograd e ndërlidhur me despotin në Moskë. Ne kemi paralajmëruar kaherë që shtetet jo demokratike edhe në rajonin tonë jo vetëm ne lindje të Evropës janë në rrezik për sigurinë dhe paqen por natyrisht që këtë gjë hollësisht dhe thellësisht sikurse SHBA nuk mund ta di askush. Ajo çfarë bëjmë ne është që ne përgatitemi maksimalisht atë çka mundemi dhe dimë, andaj përuruam këtë Qendër Shtetërore për Siguri Kibernetike për trajnime të cilat do të merren dhe do të ofrohen aty”, ka deklaruar Kurti.
