Rusia ka bërthamore në dispozicionin e saj, por zëdhënësi i Kremlinit, Dmitry Peskov, theksoi se do t’i përdorë vetëm në rast se ekzistenca e vendit vihet në rrezik. Sipas doktrinës së Moskës, armët bërthamore shihen si një “armë lamtumire” dhe do të përdoren për hakmarrje nëse Rusia ose aleatët e saj sulmohen të parët. Presidenti Vladimir Putin gjithashtu ka thënë se nuk ka “nevojë” për përdorimin e armëve taktike bërthamore, duke e mbështetur këtë qëndrim.
Zëdhënësi Peskov shtoi se nëse diçka kërcënon ekzistencën e Rusisë, atëherë armët bërthamore do të përdoren. Putin gjatë fjalimit të tij në Asamblenë Federale para disa ditësh kujtoi potencialët agresorë se të gjitha përpjekjet e mëparshme për të pushtuar Rusinë kishin dështuar dhe lajmëroi se pasojat për pushtuesit e mundshëm do të ishin shumë më tragjike. Ai gjithashtu theksoi se Rusia posedon një arsenal masiv bërthamor, gati për përdorim.
