Kryetarja e Grupit Parlamentar demokrat, Rudina Hajdari i ka kërkuar dorëheqjen kreut të Kuvendit, nga posti i kryetares së Komisionit të Integrimit.
Në një letër dërguar Ruçit, Hajdari ka bërë edhe propozimet për pasuesin e saj.
Ajo ka propozuar që Komisioni i Integrimit të drejtohet nga Halit Valteri.
Në letrën drejtuar Ruçit, Hajdari ka propozuar gjithashtu emrin e Halil Jakimit, si drejtues të Komisionit të Edukimit dhe Mjeteve të Informimit Publik.
Demokratët kërkuan shkarkimin e kryetares së këtij komisioni, Fationa Dhimitri, pak ditë më parë.
Lëvizja erdhi pas kërkesës së Dhimitrit për shkarkimin e Ministres së Arsimit, Besa Shahini, për skandalin seksual në liceun e Fierit.
Njëkohësisht Hajdari propozon Arlind Çarçanin, për Komisionin e Veprimtarive Prodhuese, Tregtisë dhe Mjedisit.
