Shqipëria është vendi me numrin më të lartë të të burgosurve në Ballkan.
Në vendin tonë janë 197 të burgosur për çdo 100 mijë banorë, duke u renditur e katërta në Europë, pas Lituanisë, Çekisë dhe Estonisë.
Sipas Eurostat , pas Shqipërisë renditet Mali i Zi me 179 të burgosur.
Në Serbi numri i të burgosurve për 100 mijë banorë ishte 153, ndjekur nga Maqedonia e Veriut me 146 të burgosur, ndërsa Kosova numëronte rreth 90 të burgosur për 100 mijë banorë.
Sipas studimeve, në Bashkimin Europian janë mesatarisht 116 të burgosur për 100 mijë banore.
Në Bashkimin Europian, numri më i lartë i të burgosurve është shënuar në Lituani me 231 të burgosur për 100 mijë banorë.
Në Francë, Austri dhe në Gjermani, numri i të burgosurve në raport me popullsinë është më i ulët se mesatarja e BE-së, me përkatësisht 103, 100 dhe 79 të burgosur për 100 mijë banorë.
Ndër shtetet anëtare numri më i ulët i të burgosurve është shënuar në Islandë, ku sipas Eurostat numri i të burgosurve atje ishte vetëm 38 për çdo 100 mijë banorë.
