Gjyqtarët Eugen Papandile, Zhaklina Peton dhe Ilir Haznedarin janë skualifikuar nga gara për Gjykatën Kushtetuese. Kështu ka vendosur Këshilli i Emërimeve në Drejtësi.
Kjo është hera e dytë që ata skualifikohen ku Gjykata Administrative e Apelit i riktheu sërish. Gara për Gjykatën Kushtetuese vijon për Altin Binajn dhe Aleksandër Tomën.
Që prej orës 11:00 të kësaj të hëne, KED vijon mbledhjen për zgjedhjen e emrave të gjyqtarëve të rinj në Kushtetuese që do të plotësojnë dy vakancat e krijuara prej vitit 2018.
Me përzgjedhjen e dy gjyqtarëve të rinj pritet që KED të kompletojë me kuorum për seancë gjyqësore e vendimmarrëse Kushtetuesen, të cilës i duhen minimumi 6 anëtarë.
Aktualisht ajo ka katër, do të zgjidhen dy dhe më pas tre të tjerë që pritet të vijnë nga Gjykata e Lartë për të plotësuar numrin total me 9 anëtarë.
/GazetaReforma.com/
