Një hulumtim i fundit ka ngritur alarmin për rreziqet që fëmijët përballen gjatë përdorimit të platformës së njohur të lojërave online, Roblox.
Raporti i publikuar nga ekspertët e sjelljes digjitale të “Revealing Reality” tregon se fëmijët janë të ekspozuar ndaj përmbajtjeve të papërshtatshme dhe kontakteve të pakontrolluara me të rritur, një realitet që bie ndesh me imazhin miqësor për fëmijët që platforma përpiqet të transmetojë.
Sipas hetimeve, madje edhe fëmijët deri në moshën pesë vjeç mund të përfshihen në komunikime me të rritur gjatë lojërave online, për shkak të mungesës së verifikimit efektiv të moshës.
Kjo situatë ka nxitur shqetësime të forta tek prindërit, të cilët kanë raportuar raste të varësisë nga loja, kontaktet e dyshimta me persona të panjohur dhe ekspozim ndaj përmbajtjes traumatike.
Roblox vetë ka pranuar ekzistencën e këtyre rreziqeve dhe ka deklaruar se po ndërmerr hapa për t’i adresuar, duke përfshirë përpjekje të brendshme dhe thirrje për mbështetje nga industria teknologjike dhe institucionet shtetërore.
Me më shumë se 85 milionë përdorues aktivë çdo ditë dhe rreth 40% të tyre nën moshën 13 vjeç, Roblox është kthyer në një nga hapësirat më të mëdha virtuale për fëmijët.
Megjithatë, përmasat e suksesit të saj po shoqërohen me sfida serioze për sigurinë dixhitale të të miturve, duke kërkuar masa urgjente për të garantuar një ambient të mbrojtur dhe të përshtatshëm për ta.
