Vapa e gushtit nuk është asgjë, para stresit që po kalojnë për të kapur degën e preferuar maturantët që duan të ndjekin studimet e larta. Burokracitë e sistemit arsimor po iu shtojnë ankthin maturantëve, pasi nuk marrin zgjidhje për problematikat e tyre. Problematikat kryesore janë hasur në degët që kërkojnë provim pranimi si arkitektura apo mjekësia. Kujtojmë se për ketë të fundit u miratua në heshtje ligji që i detyron mjekët e rinj të shërbejnë 5 vite në Shqipëri dhe pastaj të marrin diplomën.
Sandal është rasti i një maturanteje nga Konispoli, e cila për preferencat e saj do të duhet të japë provime, por që i kanë qëlluar në të njejtën ditë.
“Kam zgjedhur për mjekësi dhe arkitekturë. Por të dy provimet më kanë renë në të njëjtën ditë. Shkova te arkitektura më thanë që provimi është vetëm një ditë dhe nuk e ndërrojmë dot. Erdha këtu të QSha ku ka provime disa ditë dhe kërkova ndërrim datë. Por ajo mu përgjigj nuk më intereson fare”-shprehet maturantja.
Testimi i Informatizuar për mjekësi e përgjithshme ka nisur në datë 14 dhe do të zgjasë deri në datën 23.
“Jam shumë në stres, pse duhet të privohem unë. Nëse hyj për mjekësi dhe nuk fitoj më digjen 3 degët e arkitekturës”.
Në këto ditë gushti është vështirë të gjesh drejtues institucionesh në punë që mund të japin një zgjidhje duke i lënë maturantët në stres, por mund të gjesh pushtetarë që miratojnë ligje në heshtje pa u ndjerë shumë, pavarësisht kundërshtive.
Zbulim i rrallë arkeologjik në Bulqizë: Varr monumental i shekullit të III me objekte personale brenda
Një varr monumental i periudhës romake është zbuluar në fshatin Strikçan të Bulqizës, në zonën e njohur si “Fusha e...
