Ditën e sotme bizneset në kryeqytet ulën qepenat në shenjë revolte ndaj qeverisë. Ndërkohë kreu i Partisë së Lirisë Ilir Meta në një postim në facebook ka shprehur mbështetjen për biznesin dhe kërkesat e tyre.
Gjithashtu ai shprehet se Partia e Lirisë dënon politikat e “Rilindjes” antibiznes që kanë shkatërruar konkurrencën dhe tregun e lirë duke favorizuar monopolet e lidhura me Qeverinë dhe importuesit në dëm të prodhimit vendas dhe mbrojtjes të vendeve të punës.
Përmendim se paralajmërimi është bërë një ditë më parë nga përfaqësuesit e Shoqatës së Biznesit të Vogël dhe të Mesëm, të cilët të pakënaqur me ndryshimet e bëra në paketën fiskale për vitin e ardhshëm, kanë kërkuar nga qeveria përmbushjen e tri kërkesave, në të kundërt, thanë ata, protestat do të përshkallëzohen.
Reagimi i plotë i kreut të Partisë së Lirisë, Ilir Meta:
Partia e Lirisë mbështet kërkesat e drejta të biznesit.
Partia e Lirisë dënon politikat e “Rilindjes” antibiznes që kanë shkatërruar konkurrencën dhe tregun e lirë duke favorizuar monopolet e lidhura me Qeverinë dhe importuesit në dëm të prodhimit vendas dhe mbrojtjes të vendeve të punës.
“Rilindja” ka shkatërruar sigurinë juridike ndaj Shqipëria është e fundit në rajon lidhur me klimën ndaj biznesit.
Vetëm shporrja e “Rilindjes” nga pushteti i grabitur me vota të vjedhura i jep frymëmarrje dhe liri për t’u zhvilluar biznesit dhe sipërmarrjes të lirë, si edhe fuqizimit të prodhuesve shqiptarë.
Të gjithë së bashku në 12 Nëntor për t’i dhënd fund këtij regjimi gjobvënës ndaj biznesit të ndershëm!
