Kryeministri i Rusisë, Dimitry Medvedev, ka reaguar pas dështimit të negociatave të BE me Shqipërinë dhe Maqedoninë e Veriut.
Nëpërmjet një postimi në rrjetet sociale, Medvedev garanton, se nuk do të ketë ndryshim kufijsh në Ballkan.
Më tej ai ka shkruar, se si mund të funksionojë BE –ja me 30 apo 32 vende, kur nuk po ndodh një gjë e tillë me 28.
Postimi i plotë i Dmitry Medvedev:
Me të drejtë ballkani mbetet një rajon me kufij të pandryshueshëm. Hapja e negociatave me popujt e ballkanit nuk do të ndikonte te ata. Nëse BE nuk po funksionon mirë me 28 vende, atëherë si mund të funksionojë me 30 apo me 32 vende.
Është e qartë se Ballkani mbetet një rajon mjaft i paqëndrueshëm dhe ne kurrë nuk duhet të lejojmë përsëritjen e ndonjë manifestimi të dhunës, ose përpjekjet për të ndryshuar hartën në Ballkan ose ndonjë veprim tjetër që mund të shkaktojë një katastrofë humanitare.
Pas dështimit të negociatave, shumë krerë shtetesh, ngritën alarmin për rrezikun e jashtëm që i kanoset Ballkanit Perëndimor.
Pjesa dërrmuese e BE-së, e quajti një gabim historik vendimin e Francës për të vënë veton.
