Kreu i Urgjencës Kombëtare Skënder Brataj ka bërë një sërë reagimesh pasi mesfushori Christian Eriksen pësoi arrest kardiak në ndeshjen Danimarkë-Finlandë. Pas problemit shëndetësor që Eriksen pësoi duke rënë pa ndjenja në fushë, Brataj u shpreh se nuk ishte një mrekulli nga Zoti që mesfushori mbijetoi, por ishte ndërhyrja e duhur e stafit mjekësor ajo që e shpëtoi.
Së fundmi, kreu i Urgjencës Kombëtare, ka publikuar edhe një video në të cilën ilustron atë që ndodhi me zemrën e lojtarit dhe ndikimin që pati ndihma e parë për ta mbajtur gjallë. Ky event, sipas Bratajt ndodh 1 herë në 1.000 persona.
“Ajo që ndodhi në fushën e lojës në ndeshjen Danimarkë–Finlandë, po e shpjegojmë si ndodhi realisht. Ky event ndodh 1 person në 1.000 banorë në vit! Vdekja e papritur është tipike e fibrilacionit ventrikular ose takikardisë ventrikolare pa puls. Në videon e mëposhtme tregohet momenti kur ndodh fibrilacioni ventricular!
Me qindra impulse elektrike bëjnë që zemra të mos bëjë rrahjet e veta, por të fibriloj duke mos dërguar gjakun në tru dhe organet e tjera. Kjo shkakton humbjen e menjëherëshme të koshiencës dhe rënien në tokë.
RKP (reanimacioni kardiopulmonar) dhe defibrilimi janë vendimtare në shpëtimin e jetës. Video demonstron se si defibrilimi (goditja elektrike), ndalon të gjitha këto impulse duke i dhënë mundësinë nodit senoatrial të rimari komandën e zemrës. Po ashtu kryerja e shtypjeve të gjoksit është kryesore deri në mbërritjen e defibrilatorit.
Rëdësia e masazhit kardiak shikohet më së miri sa e rëndësishme është mbërritja e gjakut me oksigjen në tru.
Bërja e RKP tregon se edhe vetëm shtypjet e gjoksit sigurojnë dërgimin e gjakut në tru dhe hyrjen dhe daljen e një sasie ajri në mushkëri! Po ashtu bërja në mënyrë korrekte dhe cilësore e këtyre manovrave është shumë e rëndësishme për mbijetesën e pacientëve! Dr. Skender Brataj”.
