Kryeministri Edi Rama ndodhet në Vlorë në vazhdimësi të fushatës elektorale ku ka sulmuar edhe presidentin Ilir Meta, i cili ishte në ktë qytet vetëm pak ditë më parë. Rama e ka cilësuar Metën si një “kandidat të opozitës” dhe ka thënë se presidenti është vendosur në Vlorë e nuk flet për asgjë të mirë. Kryeministri tha se Meta bën takime skutave dhe ka thënë se PS duhet të votohet për të vazhduar punën me vetingun.
“Ndërkohë që unë do të kapja aspektin tjetër, lista e tyre është në radhë të parë një listë pronëmarrësish, jo punëmarrësish, por pronëmarrësish. Janë personazhe që kanë lidhje që ju i dini, me gjithë botën e errët të grabitjes së pronave, të spostimit të tyre dhe përfaqësojnë interesa të qarta të tjetërkujt ata, prandaj kanë ardhur në qarkun e Vlorës, që nga tuneli e deri në Ksamil. Kjo është një arsye më shumë, që këtu ata duhen kundërvotohen fuqishëm sepse janë shumë të rrezikshëm dhe kanë treguar çfarë bëjnë me pronant. Ju e mbani mend revoltën e Orikumit, është po ajo bazë. Kështu që, jini shumë të qartë për këtë dhe thojuni njerëzve të jenë vigjilentë, jo se ata do të ftojnë zgjedhjet por duhet kundërvotuar fort, të lihen me 1 ose 2 deputetë. Të krasitet ajo pemë e kalbur që duan të mbjellin këtu politikisht. Për kandidatin tjetër Ilir Metën s’dua të zgjatem shumë, e patë çfarë ndodhi, është vendosur në Vlorë, është qartësisht në një vazhdë që nuk flet për asgjë të mirë. Në ato takimet e skutave që e dini ju. Me prokurorë të larguar nga Vetingu, duhen kundërvotuar shumë fort, vota këtu për PS është për të vazhduar këtë punë dhe kundërvotuar shumë fort, është e domosdoshme mendoj unë”, tha Rama.
