Avokati Genc Gjokutaj ka reaguar me ironi ndaj kryebashkiakut të arrestuar të Tiranës, Erion Veliaj, lidhur me provat e reja që dyshohet se kanë dalë pas përgjimeve në paraburgimin e Durrësit, që kanë shkaktuar shtyrjen e seancës ndaj tij të martën në GJKKO për këtë të mërkurë.
Në një lidhje me skype për emisionin “Kafe Shqeto” në Syri Tv, Gjokutaj theksoi se kryeministri Rama, i cilësuar si “vëllai i madh”, nuk do të nominonte kurrë Veliajn për të dalë nga paraburgimi.
Sipas avokatit, Veliaj ende nuk ka kuptuar situatën e tij, dhe lehtësirat që i janë krijuar atij janë jashtë çdo norme ligjore dhe praktike gjyqësore.
Gjokutaj theksoi se seanca e kësaj të mërkure është një test për lirinë e Veliajt, ndërsa për Ramën, kjo është një pasqyrë e pushtetit të tij dhe përpjekjes për të “bashkëjetuar” politikisht me kryebashkiakun, një situatë që ai e sheh si të pamundur.
Imgjinojeni Erion Veliajn si një banor i shtëpisë së ‘Big Brother’, dhe Ramën si ‘vëllain e madh’. Kjo është historia. E sigurtë që nuk nominohet, s’e nxjerr rnjeri nga shtëpia. Rruga e tij intimidimi është, intimidimin e ka pasur në ADN e tij, imagjinoni që edhe intervistat si kryebashkiak i bëntë vetë, Pa gazetarë e njërëz, i jepte vetë ai.
Nuk e di se sa e ka kuptuar se ku ndodhet, megjithatë verbi i përdorur nga një burg në të cilën ndodhet është i paprecedentë. S’mund të bëhet mbi bazën e dëshirës së tij, por me mbështetjen e institucioneve si Mininstria e Drejtësisë dhe Rama. Pasi e sistemoi atje, i krijon të gjitha lehtësirat që të bëjë atë që ai mendon se po bën.
Në lidhje me seancën, arrestimi dhe qëndrimi në paraburgim ka thyer çdo lloj praktike, rregulli, ligji, urdhri, në lidhje me sistemin penitenciar dhe kushtet për një të paraburgosur. Nuk ka ndodhur dndonjëherë që nga burgu, vetëm mbledhje bashkie s’ka bërë.
Kjo është një përgjegjësi jo e tij, kjo s’është normale, kur intimidon nga paraburgimi, imagjinoni se çfarë bën kur je në liri nesër për intimidimin e dëshmitarëve dhe provave. Në një farë mënyrë ka vrarë veten me këtë taktikë, duke argumentuar të kundërtën e asaj se mund të lirohej.
Ajo që më tërheq vëmendjen, sot është testi i lirisë së Veliajt dhe pushtetit të Ramës. Këta të dy s’mund të bashkëjetojnë më, është një reaksion zinxhir. Karrigia e kryetarit të bashkisë është vetëm një poltron, s’ka dy.
Në raste gjykime të tilla, na është dhënë 2 orë maksimumi për t’u njohur me aktet e reja, këto provat e reja s’janë të gjitha aktet, është për të bindur gjykatën për masën e sigurisë ‘arrest në burg’, por ka rrethana të tjera që e përforcojnë idenë se masa e vendosur ndaj tij, është e përshtatshme për të.
