Pas kthimit nga SHBA, mësohet se kryeministri Rama ka mbërritur në banesën e Rashës, ku është takuar me familjarët e tij. Sakaq kreu i qeverisë, ka njoftuar se do të japë qëndrimin e tij për ngjarjen, në 18:00 në një dalje për mediat.
A do ta shkarkojë Edi Rama ministrin e Brendshëm Sandër Lleshaj?
Në shtator, Lleshaj ishte në “presë të briskut”
“Është e sigurt që nuk do jem më si ministër “, kështu tha nga Vlora ministri i Brendshëm Sandër Lleshaj, më 11 shtator 2020.
“ Që s’do të jem në këtë post është krejt e sigurt. Asnjë nuk është i përjetshëm në këtë post”, tha ai shkurt për gazetarët.
Kryeministri Edi Rama i besoi Sandër Lleshajt postin e ministrit pas largimit të Fatmir Xhafaj. Deri atë kohë Lleshaj ishte këshilltar për çështjet e sigurisë pranë kabinetit të kryeministrit.
Megjithëse mori vlerësimin e Ramës për menaxhimin e protestave 6 mujore të opozitës vitin e shkuar, burime nga qeveria flasin për një ftohje të marrëdhënieve mes kryeministrit dhe Sandër Lleshajt muajt e fundit.
Askush nuk e pohon arsyen e pakënaqësisë të kreut të qeverisë, që detyroi Ramën t’i çojë sinjalin se për ish gjeneralin, drejtimi ministrisë së brendshme tashmë ishte kapitull i mbyllur.
Pas Besha Shahinit ministre e arsimit, Sandër Llleshaj është ministri i dytë që pranon publikisht largimin, nëse jua kërkon Rama.
/GazetaReforma.com/
