Kryeministri Edi Rama zhvilloi sot një takim me drejtues dhe studentë të Universitetit Bujqësor të Tiranës.
Në takim ai ka prezantuar dhe projektin për ndërtimin e fermës së parë didaktike, që e cilësoi si një ëndërr me sy hapur.
Kreu i qeverisë u shpreh se ndërtimi do të realizohet në bazë të partneritetit qeveri-universitete, në kuadër të angazhimeve për Paktin për Universitetin.
“Kemi domosdoshmërinë që ta vëjmë këtë potencial edhe në funksion të mësimit më cilësor të studentëve. Ky universitet ishte një qendër ekselentësh me reputacion ndërkombëtar për kërkimin shkencor. Sot është në një periudhë traumatike, ku edhe bibloketës iu vu zjarri.Për shkak të nevojës për të marrë mbrapsht pronat e humbura padrejtësisht. Dhe u desh të kalonin thuajse 3 dekada për çlirimin e territorit të Universitetit.
Ne kemi diskutuar me rektorin që në takimin e parë masterplanin dhe gjërat morën rrjedhën e duhur falë protestës. Faktikisht, ne sot jemi në kushtet ku ka nisur krijimi i dosjeve të projekteve që do përfshihen në planin e financimit që qeveria është e detyruar të zbatojë.
Faktikisht, ne sot nuk bëjmë asgjë tjetër veçse financojmë një pakt. Prej tyre 31 persona janë punësuar në Ministrinë e Bujqësisë dhe Zhvillimit Rural. Nuk është thjesht një valë si kjo e 373 studentëve të parë, por një angazhim afatgjatë të Paktit të Universitetit. Ne do vazhdojmë dhe të integrojmë në administratë të gjitha kapacitetet e mira që dalin nga universiteti, duke iu referuar kategorive të ekselentëve.
Këtu kemi marrë venmdimin e rindërtimin dhe krijim in e standarteve normale për të gjitha konviktet. Kemi bërë ndërhyrjet e nevojshme që konviktetit t’i përgjigjen standarteve. Ajo që po diskutoja me rektorin është kjo që Univeristetit Bujqësor i takon, të krijojë edhe një model me të tjerët. Ku përfshihen pedagogë dhe studentët më të mirë dhe një terren që shërben si destinacion për praktikat mësimore dhe të gjitha proceset eksperimentale. Unë besoj që ky territor të përfshihet në listën e atraksioneve turistike të Tiranës, duke u shndërruar në një zonë tërheqësese për vizitorët nga jashtë. Kjo nuk është një ëndërr sy mbyllur.Është një ëndërr me sy hapur”- tha Rama.
