Kryeministri Edi Rama në mbledhjen e sotme të qeverisë paralajmëroi edhe njëherë ndërtuesit.
Sipas Ramës, nëse ndërtuesit nuk marrin përsipër dëmet nga tërmeti, do të vihen përpara përgjegjësisë.
Kreu i qeverisë, shtoi, se ndërtuesit që kanë thënë se kanë falimentuar, do të falimentojnë edhe si individë nëse i shmangen këtij detyrimi.
Kryeministri bëri me dije se lista e ndërtuesve që do të bëjnë riparimet është gati.
Shefi i qeverisë premtoi, se me projektin e rindërtimit, nuk do të preken programet e shërbimit ndaj qytetarëve.
“Hartimi i listës së ndërtuesve që duhet të bëjnë riparimet është gati, tani duhet të ndajmë pjesën kush do bëjë dhe kush nuk do të bëjë, duhet të shikojmë edhe kushtet e tyre financiare, pasi kanë thënë se kanë falimentuar. Do falimentojnë edhe si individë nëse i shmangen këtij detyrimi”, u shpreh Rama.
