Kryeministri Edi Rama njoftoi nëpërmjet një postimi në Facebook, se do të fillojë puna në disa kantiere të vendit.
Shefi i qeverisë shkruan se administratorët duhet të garantojnë rregullin e distancës së sigurisë për punonjësit.
Sipas kryeministrit, ekonomia e luftës do të vihet në punë me hapa shumë të matur, për të garantuar frymëmarrjen jetike.
POSTIMI I PLOTE:
KANTIERET RIFILLOJNË ME PIKATORE NË ZONAT RURALE TË ELBASANIT, LUSHNJËS, SHKODRËS, KONISPOL, BORSH, FUSHË-KRUJË, FIER, DUKE GARANTUAR RREGULLIN E DISTANCËS SË SIGURTË PËR PUNONJËSIT
🔴 EKONOMIA E LUFTËS DO TË VIHET ME HAPA SHUMË TË MATUR NË LËVIZJE, PËR TË GARANTUAR SA MË SHUMË VENDE PUNE NËN BOMBARDIM DHE FRYMËMARRJEN JETIKE NË SHTËPINË TONË TË PËRBASHKËT
🔴 DO TË VAZHDOJMË TË MBROHEMI SHUMË FORT, DUKE ORGANIZUAR KUNDËRSULME NË PIKA NEVRALGJIKE PËR TË SIGURUAR RRUGËT E FRYMËMARRJES NË MUAJT E ARDHSHËM DURIM DHE BESIM, SI NJË TRUP I VETËM
Ditën e djeshme, shefi i qeverisë bëri me dije, se lehtësimi i masave do të nisë në javën e ardhshme.
Rama tha se në mesin e prillit, do të shihet sesa e ka goditur koronavirusi vendin tonë dhe më pas do të merret vendimi për lehtësimin e disa masave.
Aktualisht në vendin tonë numërohen 259 të prekur nga COVID-19, në mesin e të cilëve 15 viktima dhe 76 të shëruar.
Qyteti më i prekur është Tirana me 140, ndërsa më pas ndjek Durrësi me 29 dhe Fieri me 23.
Në spitalin Infektiv janë duke u trajtuar 79 persona, 7 prej të cilëve në terapi intensive, ku 4 janë intubuar.
