Kryeministri Edi Rama ka realizuar pak më parë një lidhje live në Facebook ku ka dhënë disa njoftime shumë të rëndësishme.
Kreu i qeverisë ka deklaruar se do falen të gjitha gjobat e vendosura deri tani për këmbësorët dhe automjetet që kanë thyer masat e marra kundër Covid-19.
Kjo do të thotë se 7 mijë e 107 qytetarë që kanë thyer masat si këmbësorë nuk do paguajnë gjobën 10 mijë lekëshe, teksa 1 mijë e 941 shoferëve që u është bllokuar mjeti apo automjeti, patenta dhe është dënuar me gjobë do i kthehet automjeti apo mjeti, patenta si dhe nuk do paguajë gjobë.
Mirëpo, shtoi se ndëshkimet e rrepta dhe të pakthyeshme do të fillojnë nga java tjetër me hyrjen në fuqi të dënimeve të reja pas miratimit të ndryshimeve në Kodin Penal ditën e djeshme në Kuvend.
“Do u kthejmë të gjithë patentat dhe makinat që janë bllokuar gjatë kësaj kohe. Javën e ardhshme le të stratojnë të gjithë të barabartë dhe rifillojmë edhe njëherë këtë fazë të re. Ajo që iku, iku. Por tani mos të guxojë askush që të thyejë ligjin.Po ashtu kreu i qeverisë u shpreh se dhe gjobat e marra gjatë muajit të parë nuk do të ekzekutohen dhe gjithçka do të falet. Kjo sipas tij bëhet si një masë për të qenë të gjithë të barabartë pas hyrjes së fuqi të ndryshimeve të Kodit Penal.”
Më pas Rama tha se vendimet për ndryshimin në Kodin Penal po i ndërmerr për të mirën e njerëzve dhe se masat nuk janë një plan nga ai, por janë të domosdoshme.
“Më akuzojnë disa me profile fallco në Facebook, dhe disa analistë me profil të lartë në Skype. U hodhën përpjetë për demokracinë, e për çfarë se mbushëm një vakum në Kodin Penal. Unë nuk kam asnjë problem me ta, por ata e kanë me veten dhe do e kenë deri sa të jenë gjallë. Ndyshime në Kodin Penal janë për të mbrojtur jetën tuaj nga kërcënimet. Nryshimet nuk janë një plan i imi për t’u bërë si Enveri siç, më akuzojnë këta tipat më lartë, por janë domosdoshmëri.”
Ditën e djeshme Kuvendi i Shqipërisë zhvilloi një seancë të jashtëzakonshme, ku ka miratuar të gjitha aktet normative të qeverisë, me tërësinë e masave, kufizimeve, ndalimeve dhe ndëshkimeve, për menaxhimin e pandemisë Covid-19.
Akti kryesor normativ është ai i datës 15 mars 2020, i cili parashikon masat kryesore ndëshkuese për individët dhe bizneset që shkelin rregullat e vendosura nga qeveria me qëllim parandalimin e përhapjes së virusit.
Më poshtë është lista me të gjitha kufizimet dhe ndëshkimet përkatëse të miratuara dje nga Kuvendi.
