Kryeministri i vendit Edi Rama, e ka ironizuar sërish kryedemokratin Lulzim Basah, këtë herë me takimet elektorale që ai zhvillon.
Rama me anë të një postimi në rrjetet sociale thotë se sot Basha fle në ditë shiu, teksa nxjerr video të xhiruar në ditë me diell ku vijon të infektojë me krenari ndjekësit. Sipas Ramës kjo do të jetë vula që do i mbetet humbësve të 25 prillit. Sot lideri demokrat e nisi ditën nga Unaza e Re, por Rama hedh dyshime se kjo video është xhiruar në ditë me diell dhe jo sot në shi.
“Ndërkohë që fle në këtë ditë shiu, Lulëzim Basha del në tv me një video të xhiruar në ditë me diell, ku siç shihet vazhdon të infektojë me krenari ndjekësit e tij.Ne vazhdojmë vaksinimin masiv dhe distancimin fizik për ta fituar këtë luftë, me vetëdijen se shëndeti i shqiptarëve është mbi gjithçka. Vaksinimi dhe distancimi do të na nxjerrin së shpejti fitues si popull e si shtet mbi Armikun e Padukshëm, ndërsa turpi i infektimit të përditshëm do të jetë vula që do t’i mbetet humbësve të 25 prillit!”, thuhet në postimin e Ramës.
Kujtojmë se më herët kryeministri i vendit ditën e sotme publikoi në rrjetet sociale, një tjetër foto të një qeni i cili po flinte para dyerve të degës së PD-së.
“Gjumi është ngjitës!”, Rama ironi me Lulzim Bashën, poston foton e qenit pranë posterave të PD-së
