Kryeministri Edi Rama e ka nisur ditën e sotme me Anti-shpifjen.
Ai ka postuar në rrjetet sociale një shprehje të filozofit të madh grek, Sokratit, për shpifjen.
“Shpifjet nuk janë vetëm djallëzore në vetvete, po infektojnë shpirtin me djallëzi”
Kujtojmë këtu se ligji “Anti-shpifje” kaloi në Kuvend disa ditë më parë.
Paketa me ndryshimet ligjore është kundërshtuar ashpër prej më shumë se një viti, si brenda dhe jashtë vendit, nga dhjetëra shoqata.
Kryeministri garantoi, se ndryshimet ligjore janë konsultuar pikë për pikë me OSBE-në.
Gjithashtu gazetarët zhvilluan një protestë me sloganin “Mosnaprekfjalën”, me argumentin, se ky ligj prek lirinë e medias dhe të fjalës.
Tashmë ligji pritet të shqyrtohet nga presidenti Meta, i cili do të vendosë nëse do ta dekretojë apo jo.
