Ndërsa kryeministri ka përqëndruar vëmendjen në “gjysmëplanin” e vaksinimit, vlen të sjellim në vëmendje çfarë po ndodh ndërkohë më ata që aktualisht po e kalojnë covid apo që janë kuruar nga virusi.
Disa muaj më parë Qeveria dha fjalën se do të miratonte një ligj, sipas të cilit do të rimbursoheshin të gjitha medikamentet e pacientëve që prekur nga Covid-19.
Në vendim përcaktohej dhe shuma prej 100 dollarësh, osë 116 mijë lekësh të vjetra, duke e bërë dhe më të besueshëm.
Por deri më tani, ky premtim nuk është vënë në zbatim. Të gjithë pacientët që janë prekur nga covid po e paguajnë vetë faturën e “kripur”, duke mos marr asnjë ndihmë nga shteti.
Në videon e transmetuar nga Faxweb, tregohet një qytetare e cila denoncon një rast konkret. Gruaja tregon se deri tani ka shpenzuar 526 mijë lekë të vjetra për blerjen e ilaçeve dhe nuk i është rimbursuar asnjë prej tyre. Veç saj edhe bashkëshorti ka pasur po ashtu probleme me Covid.
“Kam harxhuar 526 mijë lekë për ilaçe, nuk kam marrë asnjë me rimbursim’, shprehet qytetarja, rasti i të cilës nxjerr edhe njëherë në pah propagandën e qeverisë me skemën e rimbursimit.
Por ky nuk është zhgënjimi i vetëm i qeverisë në vetëm pak javë. Ai gjithashtu premtoi se do të hiqej TVSh për bizneset deri në 10 milionë lekë të reja xhiro vjetore, premtim ky ende pa u vënë në zbatim.
Sa i përket menaxhimit të pandemisë, qeveria ka lënë për të dëshiruar. Ende sot, nuk e kemi një plan të plotë të vaksinimit, por tentativa të dështuara për të vënë në kontroll përhapjen e madhe të Covid 19 në vend.
