Ditën e sotme kreu i Partisë së Lirisë Ilir Meta ka folur për krizën energjetike në vend dhe duke u ndalur te vendosja e fashës 800kwh për konsumin mujor të familjeve dhe biznesit të vogël tha se është një kërcënim absurd.
Ndërkohë ai bëri thirrje që tu bashkohen në protestën e 12 nëntorit pasi ka vetëm një mënyrë që të rinjtë të mos ikin nga vendi dhe ky është largimi i bandës së Edi Ramës.
“Kërcënimi për vendosjen e fashës energjike është një përpjekje populiste për të justifikuar pagimin e energjisë nga qytetarët sipërmarrës që ai kërkon tu vendosë taksën e jashtëzakonshme që janë përballur me shumë problematika dhe i kanë kursyer qindra milionë shtetit. Ndërkohë që kemi këtë klimë represioni ndaj biznesit dhe sipërmarrjes së lirë kemi njëkohësisht dhe goditje ndaj lirisë së medias sidomos kur nxjerrin skandalet e qeverisë. Qytetarët dhe bizneset që ndihen të rrezikuara dhe kërcënuara nga ky sulm arbitrar dhe jo politikë shantazhuese e kësaj bande në pushtet duhet të reagojnë duke nisur me manifestimin e madh të 12 nëntorit e në vazhdimësi pasi ka vetëm një rrugë që të rinjtë të mos largohen me gomone nga vendi dhe është largimi i bandës së Edi Ramës”, u shpreh Meta.
