Një ngjarje e rëndë ndodhi në Durrës, te Shkëmbi i Kavajës, ku një baba mbajti peng dy fëmijët e tij të mitur për disa orë. Pas orësh negociata, Aleks Marku u bind nga forcat speciale RENEA të dorëzohet pa përdorur më armën. Gjatë negociatave, momentet ishin të tensionuara ndërsa fëmijët qanin dhe e lutnin Aleks Markun të dorëzohej. Rreth orës 07:00, Marku pranoi të hapë derën dhe u shoqërua nga policia në gjendje të rënduar psikologjike. Ai kishte thënë se qëlloi nga dritarja sepse ndihej i kërcënuar nga disa persona, megjithëse nuk specifikoi kush. Ai kishte qëlluar mbi 15 herë nga ballkoni, dhe dëmet në apartamentin e marrë me qira ishin të dukshme.
Përleshje me thika dhe sëpatë në Shkodër, një i plagosur
Një përleshje e dhunshme mes disa të rinjve ka ndodhur pak minuta më parë në lagjen “Skënderbeg” të Shkodrës, pranë...
