Detaje të reja janë zbuluar në lidhje me vrasjen makabër të regjistruar dy ditë më parë në Memaliaj, ku djali vrau babanë me sëpatë.
Sipas “Report tv”, Arjan Shahaj ka dhënë një version tjetër përpara Krimeve të Rënda.
Ai ka akuzuar babanë, se e ka keqtrajtuar prej vitesh.
Më tej i riu ka thënë se babai e ka goditur dy herë me shuplakë, për shkak se ai kishte refuzuar të priste dru, ngaqë ishte alergjik.
Më pas 35-vjeçari kishte shkuar të merrte sëpatën, e kishte goditur babanë dhe nuk ishte larguar nga vendi i ngjarjes, derisa të ishte siguruar se e kishte vrarë.
Kjo dëshmi e të riut është kontradiktore me atë të mëparshmen.
Arjan Shahaj kishte deklaruar fillimisht, se babai i kërkonte të mos ngacmonte një vajzë, për shkak se ishin ankuar të afërmit e tij.
Ndërkohë policia thotë për të riun se ka probleme mendore, por ai nuk nuk ka kartelë mjekësore.
