Procesi i regjistrimit të votuesve nga diaspora po vijon përmes platformës PER, të cilën e ka vënë në dispozicion Komisioni Qendror i Zgjedhjeve.
Megjithatë, gjatë këtij procesi janë evidentuar nevoja për ndryshime në Kodin Zgjedhor.
Prej disa javësh, palët e përfshira kanë theksuar rëndësinë e ndryshimeve ligjore për votën e diasporës.
Nga ana e Partisë Socialiste dhe KQZ, është kërkuar që afati për dorëzimin e listës së kandidatëve për deputetë të afrohet dhe të vendoset më 13 mars.
PD nga ana tjetër ka shtuar se ka nevojë edhe për dy ndryshime në Kod, duke kërkuar:
1. Të votojnë të gjithë ata emigrante shqiptare, të cilëve u kanë skaduar pasaporta dhe kartat biometrike.
2. Të lejohet të votojnë të gjithë ata shqiptarë që kanë nënshtetësi shqiptare, por nuk kanë dokumente biometrike.
Llogariten rreth 600 mijë qytetarë që i kanë skaduar dokumentet e identifikimit dhe jetojnë jashtë vendit, votues potencialë për zgjedhjet e 11 majit.
PD ka kushtëzuar se do të pranojë afatin e kërkuar nga PS, në rast se pranohen kërkesat e saj.
