Mëngjesin e sotëm Kryeministri Edi Rama ka njoftuar për tre prurje të reja në listën e kandidatëve për deputetë. Kësaj here bëhet fjalë për tre emigrantë, që priten të garojnë nën siglën e PS.
Gjatë prezantimit të programit të PS, Rama prezantoi publikisht emigrantin e parë nga Anglia, Lavdrim Krashi.
“Kam kënaqësinë të ftoj një emigrant nga Londra i cili është bashkë me mua dhe do të jetë pjesë e skuadrës tonë të 25 Prillit. Lavdërim Krashi nga Dibra, ikur prej shumë vitesh, jetuar dhe përpjekur si gjithë të tjerët duke e nisur nga hiçi dhe sot shërbëtor publik i qytetarëve të Londrës në Bashkinë e Londrës. Njëkohësisht një njeri i respektuar në komunitetin shqiptar aty, si një kontributor në lehtësimin e gjithë proceseve që kanë shqiptarët”, tha Rama.
Nga ana tjetër, Lavdërim Krashi thotë se pas shumë vitesh në shërbim të qytetarëve të Londrës, tani ka vendosur që të kontribuojë për vendin e tij.
Përveç Lavdrim Krashit, kandidatët e radhës që janë dy vajza emigrante si Briseida Gjoza dhe Bora. Dy emrat e radhës të propozuar nga shefi i qeverisë janë dy emigrante nga Elbasani, që prej vitesh jetonin larg vendit.
Sa i përkeq qarqeve që do të kandidojnë, Brisilda do jetë pjesëq e listave në Elbasan, Krashi në Dibër dhe Bora në Tiranë.
