Katër të arrestuarit për protestën e së shtunës në Fier janë liruar nga gjykata.
Në protestë u shënuan përplasje mes policisë e banorëve që kishin dalë për të protestuar kundër kryeministrit Edi Rama.
Gjykata e Fierit vendosi masën ‘detyrim paraqitje’ për Behar Xhelon, Besnik Jaupajn, Gëzim Ballën si edhe Hysen Hoxhën, të cilët u arrestuan nga policia me akuzën ‘Pengimi i qarkullimit të mjeteve të transportit” dhe “Organizimi dhe pjesëmarrja në grumbullime dhe manifestime të paligjshme”.
Lidhur me protestën u proceduan penalisht në gjendje të lirë 41 protestues.
Seanca gjyqësore u zhvillua nën masa sigurie. Gjykata e Fierit u rrethua me kordon policie, ndërsa kreu i PD në këtë qytet Luan Baçi akuzoi ata se nuk po e lejonin të futej në sallë.
