Ka pasur një përplasje mes banorëve të lagjes “5 Maji” në Tiranë dhe përfaqësuesve të Bashkisë.
Banorët janë kundër prishjes së banesave të tyre, pasi shprehen se ende nuk kanë rënë në marrëveshje me shtetin për këtë hap.
Ndërkohë, përfaqësuesi i bashkisë, u shpreh se ditën e sotme është programuar prishja e një magazine që është pronë shtetërore, pasi dëmet e shkaktuara në të në tërmetin e 2019, rrezikojnë shëndetin e qytetarëve.
Përfaqësuesi i Bashkisë: Kemi tre objekte të liruara…
Banori: Secili nga ata që janë liruar nuk kanë rënë dakord për prishjen e shtëpisë. Nuk ke pse ta prishësh shtëpinë, nëse nuk kam.
Përfaqësuesi i Bashkisë: Është VKM, është në fletore zyrtare, do të rimbursohuni 100% të objektit.
Banori: Tre VKM kanë dalë për këtë projekt. Ministrat i ke të tutë dhe VKM i bën si i do ti.
Përfaqësuesi i Bashkisë: Ne do të prishim magazinën, sepse rrezikojnë qytetarët. Do të prishim edhe tre banesat pranë magazinës që janë të prishura.
Banori: Hajde me mua, të jap rrugën dhe të futesh. Nuk ka banesa të lira.
Përfaqësuesi i Bashkisë: Sot do prishim magazinën që është pronë e shtetit.
Banori: A do e prishësh shtëpinë ti? Personat që do prishësh shtëpinë ku do i dërgoni.
Përfaqësuesi i Bashkisë: Do trajtohen me bonus qiraje.
Banori: A e di ti çfarë është bonusi i qirasë?! Kontrata thotë që do të vish të firmosësh që nuk ka datë, firmë me këshill bashkiak e të më dalë vendimi se sa përfitoj.
Protestës së banorëve të 5 Majit iu bashkuan edhe qytetarë të tjerë që preken nga shembja e shtëpive ne projektin e rindërtimit. Ata kërkojnë nga Bashkia Tiranë lidhjen e një akt marrëveshje dy palëshe. Në një kohë që të dëmtuarit nga tërmeti do futen në shtëpi të reja, banorëve që po u shemben shtëpitë mbetën pa strehë.
E vetmja letër që u ka mbërritur në dorë është VKM. Me data specifike e të mirëpërcaktuara njoftohen ekzekutimin e vendimit nga IMT. Ajo që nuk saktësohet është strehimi i tyre gjatë kësaj kohe dhe vlera e kompensimeve të lëna pa afat dhe pa çmim shitblerje.
“Do të përfitojnë në objekte e reja të cilat nuk përcaktohen se ku janë këto objekte dhe do të ndërtohen në të ardhmen. Unë nuk e kam firmosur. Kjo nuk është akt marrëveshje. Kjo është që ne të shkojmë te noteri dhe të deklarojmë me vullnetin tonë se pronën ja japim Bashkisë. Vlerësimi është vlerësim reference. Kjo është e padrejtë për këtë komunitet. Jetoj në tokën time dhe s’kam të drejtë të jetojë.”
“Unë kërkojë që të më njihet paraja që kam hedhur në pronën time.”- shprehen qytetarët.
Me certifikate e pronësie në dorë kërkojnë vetëm zbatim të kushtetutës mbi mbrojtjen e pronës private.
“Me certifikatë pronësie, dokumentacionin e rregullt.
Kanë vendosur të vijojnë protesta edhe në institucionet ku merren dhe ekzekutohen vendime.
“Gjithë banorët ka dy javë që bëjmë protestë dhe asnjë nga institucionet shtetërore nuk e merr seriozisht qoftë një deklaratë për shtyp që të japë sqarim.”
