Një nga zërat më të fuqishëm të studentëve është padyshim akademike dhe pedagogu Artan Fuga, i cili ka qenë live ditën e sotme nga Franca në News24.
Profesor Fuga ka komentuar protestën e studentëve ku është shprehur se është një situatë shqetësuese dhe se duhet të përfundojë këtu.
“Qeveritarët, nëpunësit, drejtuesit të ministrisë së arsimit, bordet, senatet, pedagoget të rrimë nëpër shtëpitë tonë, pa u shprehur dhe pa qenë të shqetësuar për këtë çështje. Sot kam një shqetësim shumë të madh, është momenti që ne duhet ta kuptojmë. Nuk është një ditë, por po bëhen një javë. Kjo nuk mund të vazhdojë më”, është shprehur Fuga.
Akademiku thotë se nuk mund të ketë një dialog mes studentëve, kryeministrit, por edhe institucioneve universitare, pasi ka humbur besimi dhe ka lindur një ngrç i madh në këtë marrëdhënie.
“Nuk dua t’i shtojë edhe më shumë elementë të ngatërruar kësaj pazzle, por dua të them që nga ana e zotit kryeministrit kërkohen përfaqësues të dialogojë, sepse është e pamundur të dialogojë dhe ky nuk është mekanizmi i duhur përball një mase të tillë. Studentët kanë kërkesa të ndryshme, ka pikëpamje të ndryshme, politike dhe jo politike dhe nuk mund të presësh që ato në dhjetë ditë të kenë një mirëkuptim”, tha Fuga.
