Zëvendëskryeministri i Kosovës, Besnik Bislimi ka deklaruar përmes një statusi në rrjetet sociale se vitet e fundit dialogu mes Kosovës dhe Serbisë u kthye drejt rrugës së normalizimit dhe njohjes reciproke, por Serbia vazhdon ta refuzojë.
Ai ka përmendur sjelljen me Marrëveshjen e Brukselit dhe Aneksin Implementues të Ohrit.
“Procesi i dialogut u kthye drejt rrugës së normalizimit dhe njohjes reciproke, por të cilën fqinji ynë verior vijon ta refuzojë, siç po e dëshmojnë me Marrëveshjen Bazike të Brukselit dhe Aneksin Implementues të Ohrit. U demaskua qasja e tyre destruktive, por ne vijuam angazhimin tonë, duke shfaqur konstruktivitet e duke qenë palë aktive, përmes ofrimit në vazhdimësi të propozimeve e ideve në çështjet rreth dialogut”, shkruan ai.
