Ditën e sotme janë nderuar ushtarët grekë, të rënë gjatë luftës me Italinë fashiste.
Familjarët e Kostandinos Kacifas, kishin përgatitur një baner me emrin e tij dhe datën e vrasjes, por nuk janë lejuar nga policia, që të marrin pjesë në ceremoni.
Motra e viktimës hodhi akuza ndaj qeverisë, ndërsa përsëriti edhe njëherë se ndodhet në tokë greke, shkruan ‘Balkanweb’.
“Kisha frikë mos ishin të armatosur. Turp, skandal për qeverinë shqiptare se ne jemi grekë autoktonë. Jemi në tokë greke. Populli nuk ka faj, e kanë fajin drejtuesit e shtetit”, janë disa nga fjalët e motrës së Kostandinos Kacifas.
Ata kanë kërkuar të bëhen pjesë e ceremonisë me thirrjet ‘Kacifa jeton, ti na drejton’.
Mirëpo thirrjeve të tyre askush nuk i është përgjigjur.
Kujtojmë këtu se Kostandinos Kacifas u vra tetorin e shkuar, pasi hapi zjarr ndaj forcave RENEA.
Pak ditë më parë, në Bularat të gjiokastrës erdhën qindra shtetas grekë, ku sërish nuk munguan thirrjet anti shqiptare.
