Kryeministrit Rama ka qenë bashkë me ministrin e Brendshëm Sandër Lleshaj, drejtorin e përgjithshëm të Policisë, Ardi Veliu si dhe ambasadorin e BE Luigi Soreca për të inaguruar në ”Sheshin Nënë Tereza” flotën e re të automjeteve të Policisë së Shtetit.
Me kontriburin e qeverisë dhe BE-së Policia është pajisur me 196 automjete të tjera, nga të cilat 49 xhipa si dhe 96 mikrobuza me fletë çeliku për t’u mbrojtur nga gurët apo përplasjet.
Rama tha se nga një flotë qesharake që kishte Policia e Shtetit, tani do të ketë një flotë me fuqi të re motorike, teksa meritat më të mëdha ia atribuoi Bashkimit Europian.
“Ky kontribut i përbashkët financiar ku padiskutim kontributi i BE është një pjesë e konsiderueshme përveç kontributit të qeverisë. Flota motorike e policisë së shtetit ishte qesharake. Sot ne i japim punonjësve të policisë një fuqi të re motorike dhe sidomos forcave speciale. Një flotë të tërë mjetesh që do të mundësojnë kushte optimale operacioneve. Nuk mbaron këtu. Ne duam të shkojmë më tutje me rritjen e kapaciteteve teknologjike, dixhitale, me futjen e mjeteve të sofistikuara dhe me dronat e fjalës së fundit”, tha Rama në fjalën e tij.
Edhe ministri Lleshaj falenderoi BE, teksa u shpreh se kjo do të rrisë eficencën e Policisë
“Do shpërndahen sipas një plani të përcaktuar nga drejtori i policisë. Policia kriminale, FNSH, RENEA, do të rinovojmë flotën. Kjo rrit eficencën e policisë. Meriton falënderim të madh BE dhe gjithë ata që janë angazhuar për këtë projekt”, shprehet ministri i Brendshëm Sandër Lleshaj.
Nga ana tjetër, Soreca tha se BE gjatë këtij viti do të japë 19 milionë euro për Policinë shqiptare dhe një pjesë e tyre janë pikërisht për këto automjete.
https://www.facebook.com/edirama.al/videos/690767518403455/
