Policia e Pireut, në Greqi pas një urdhri përkatës të Prokurorisë ka bërë publike të dhënat e identitetit dhe fotot e 58 vjeçarit me origjinë shqiptare, Adrian Zeqo i cili akuzohet për përdhunimin e një të miture.
Sipas mediave greke, ai është ndjekur penalisht për përdhunimin e vazhdueshëm pa pëlqimin e të miturës e cila është nën moshën 12 vjeç. Burri me origjinë shqiptare është arrestuar me urdhër më datë 14 dhjetor nga oficerët e policisë të nën-drejtorisë për Mbrojtjen e të Miturve.
Adrian Zeqo jetonte prej vitesh në Greqi, ndërkohe ende nuk janë bërë me dije rrethanat e ngjarjes.
Policia, pas një urdhri të Prokurorisë së Pireut, publikoi të dhënat e identitetit dhe fotot e 58-vjeçarit, i cili akuzohet për përdhunimin e një fëmije të vogël në Pire.
Ai është ndjekur penalisht për përdhunim të vazhdueshëm, pa pëlqimin e viktimës dhe veprime seksuale me një të mitur nën moshën dymbëdhjetë vjeç. Konkretisht, ky është Adrian Zeqo i biri i Kristos dhe Marias, i lindur më 15 maj 1962 në Shqipëri.
Zbulimi specifik, sipas Urdhrit të Prokurorisë, synon nevojën e menjëhershme për të mbrojtur shoqërinë në tërësi nga veprimtaria kriminale e të akuzuarit, deri në hetimin më të plotë të krimeve të tjera me peshë të ngjashme në dëm të një numri të papërcaktuar të të miturve, si dhe të ndjekjes penale shtetërore për krimet e kryera.
Në këtë kontekst, policia u ka bërë thirrje qytetarëve të kontaktojnë policinë, për sigurimin e çdo informacioni ndaj tij, duke siguruar anonimatit dhe konfidencialitetin e komunikimit.
/Gazetareforma.com/
