Në rrugën “Filip Shiroka” në kryeqytet dy bashkëmoshatar të moshës 15-vjeçare janë goditur me thikë brenda ambienteve të një shkolle private. Ngjarja ka ndodhur ditën e djeshme, 18 shtator.15-vjeçari, për motive të dobëta, është konfliktuar me një bashkëmoshatarin e tij, dhe gjatë konfliktit dyshohet se e ka goditur atë me mjet prerës, informoi sot policia. Pasi ka marrë ndihmën mjekësore në spital, 15- vjeçari së bashku me prindërit e ka denoncuar në polici. Ndaj të miturit është nisur hetim në gjendje të lirë për akuzën ‘Plagosja e lehtë me dashje’.
Njoftim zyrtar:
“Specialistët për Hetimin e Krimeve në Komisariatin e Policisë Nr. 4 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjjthshëm Tiranë në ngarkim të një të mituri 15 vjeç, për veprën penale “Plagosja e lehtë me dashje”, parashikuar nga neni 89 i Kodit Penal.
Ditën e djeshme, në ambientet e një shkolle private në rrugën “Filip Shiroka”, 15-vjeçari, për motive të dobëta, është konfliktuar me një bashkëmoshatarin e tij, dhe gjatë konfliktit dyshohet se e ka goditur atë me mjet prerës.
I dëmtuari pasi ka marrë ndihmën mjekësore në spital, është paraqitur për ankim në komisariat, së bashku me prindërit”, informoi sot policia. Materialet i kaluan Prokurorisë.
Sa të sigurt janë fëmijët në ambientet arsimore?
Një ditë para kësaj ngjarje Genti Mullaj, Zëdhënës i Policisë së Shtetit u shpreh se në të gjitha shkollat e vendit ka prani të Policisë së Shtetit pasi të ofrojë mbrojtje dhe siguri është detyra primare e efektivëve të policisë.
Ai tha se jo vetëm në 240 shkollat që kanë tashmë një oficer sigurie të posaçëm, por në të gjitha shkollat e vendit ka prani të Policisë së Shtetit pasi të ofrojë mbrojte dhe siguri është detyra primare e efektivëve të policisë.
Fatkeqësisht nuk vonoi shumë që të rrëzohej kjo deklaratë e tij ku tregohet edhe njëherë tjetër që institucionet arsimore nuk janë të sigurta e ku prania e oficerëve të policisë mungon.
