TIRANË
Operacioni Forca e Ligjit këtë herë ka ndaluar në qytetin e Shkodrës, duke iu dërguar formular për plotësim të pasurisë, dy shtetasve të dënuar për krime të rënda.
Këta dy persona, do të duhet që për 48 orë t’ju përgjigjen pyetjeve në formular në lidhje me pasurinë që posedojnë dhe do të jetë SPAK që do të vendosë nëse ata kanë pasuri të fituar ligjërisht apo me metoda kriminale.
Dy personave që iu dërgohet formulari, janë shtetas të njohur për drejtësinë shqiptare, pasi janë të dyshuar për veprimtari kriminale dhe pjesë e bandave të qytetit të Shkodrës.
Shtetasve që iu dërgohet ky formular janë Sirjan Alija dhe Safet Rustemi, të dënuar për vepra të rënda.
Njoftimi i OFL-së:
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
Sirjan Alija, banues në Shkodër, i dënuar për veprat penale “Grupi i stukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”;
Safet Rustemi (Rrustemi), banues në Shkodër, i dënuar për veprat penale “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal”.
Kush është Safet Bajri:
Safet Bajri është anëtari i grupit Bajri. Ai ndodhet në burg në Shqipëri pasi është dënuar me 9 vite burg nga gjykata e Belgjikës, për “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal”.
Bajri nuk mund të ekstradohet drejt Belgjikës për shkak se dy vendet nuk kanë një marrëveshje. Gjithsesi dy vendet njohin dënimet e dhëna në vendet reciproke dhe për këtë arsye Bajri do e vuaj dënimin në Shqipëri.
