Ambasada Amerikane ka përshëndetur përzgjedhjen e dy anëtarëve të reja të Gjykatës Kushtetuese.
Në një postim në rrjetet sociale, ambasada ka theksuar rëndësinë e ngritjes së kësaj gjykate.
Sipas ambasadës, ky organ është jetësor për llogaridhënien dhe ekuilibrat demokratike.
Reagimi mbyllet, duke theksuar edhe njëherë mbështetjen e SHBA, për një gjyqësor të pavarur dhe të ndershëm.
Deklarata e Ambasadës së SHBA-së
Prej votimit unanim të reformës në drejtësi në 2016-ën, institucionet shqiptare, përfshirë edhe organet e reja të pavarura të gjyqësorit, kanë punuar fort për të përmbushur vullnetin e popullit. Votimi i sotëm i Parlamentit çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike. Shtetet e Bashkuara mbeten të përkushtuara për të mbështetur ngritjen e një sistemi gjyqësor të pavarur dhe të ndershëm në Shqipëri.
Ditën e sotme Kuvendi zgjodhi me 105 vota pro Elisa Toskën dhe Fiona Papajorgjin, si dy anëtare të reja të Gjykatës Kushtetuese.
Gjithashtu u miratua automatikisht, propozimi i KED për Arta Vorpsin, pas refuzimit që i bëri presidenti Ilir Meta.
