Tri ditë më parë një përplasje me armë ndodhi në qytetin e Shkodrës, ku një kalimtare me emrin Liljana Jeremia, mbeti e plagosur në këmbë.
Në lidhje me ngjarjen policia arrestoi 4 të rinjtë: Liridon Lushi, Arxhend Rexha, Ension Buraku dhe Riad Xheladini.
Sot, ata kanë dalë para Gjykatës së Shkodrës, e cila ka caktuar masën e sigurisë “arrest me burg” për të katërt.
Ngjarja ka ndodhur mbrëmjen e 6 shkurtit kur shtetasit e mësipërm kanë qëlluar me breshëri plumbash ndaj një BMW të drejtuar nga shtetasi Mirsad Meta, i cilio shpëtoi mirë pasi plumbat kapën 35-vjeçaren.
Nga ana tjetër, edhe Meta u është kundërpërgjigjur me plumba atyre pas atentatit, por pa shkaktuar asnjë plagosje.
Dyshohet se shkak i përplasjes mund të kenë qenë prishja e pazareve të drogës, gjë e cila është mohuar nga të 5-të.
Katër të arrestuarit akuzohen për ‘Vrasje në rrethana të tjera cilësuese’, ‘Plagosje e lehtë me dashje’ dhe ‘Armëmbajtje pa leje’.
Kurse, Meta ka deklarar se mbante armë për arsye sigurie pasi ka qenë i përfshirë në një konliktë në Gjermani disa vite më parë.
