Një banesë dykatëshe është përfshirë nga flakët paraditen e sotme në fshatin Çeligrad të Fierit, duke shkaktuar panik te familjarët dhe banorët përreth.
Në vendngjarje kanë ndërhyrë menjëherë forcat zjarrfikëse, të cilat kanë arritur të lokalizojnë dhe shuajnë zjarrin, duke shmangur përhapjen e mëtejshme të flakëve.
Fatmirësisht nuk raportohet për persona të lënduar, ndërsa dëmet janë vetëm materiale.
Sipas të dhënave paraprake, dyshohet se zjarri është shkaktuar nga një shkëndijë elektrike.
Ndërkohë, policia dhe grupi hetimor po vijojnë punën për të përcaktuar shkakun e ngjarjes.
