Lara Colturi ka shënuar një tjetër sukses të jashtëzakonshëm në Gjigandin e Are-s në Suedi, duke u renditur e treta dhe duke arritur podiumin e tretë për këtë sezon.
Ky rezultat vjen para finales së sezonit në Sun Valley, Amerikë, e cila do të zhvillohet midis 20-28 Marsit. Gara e zhvilluar në Suedi u fitua nga Federica Brignone, ndërsa në vendin e dytë u rendit Robinson nga Zelanda e Re.
Në garën e mëparshme, në Sestriere të Italisë, Lara u pozicionua në vendin e shtatë në disiplinën e Slallomit Gjigant, ku pas dy zbritjeve arriti vendin e 9-të në të parën dhe të 5-të në të dytën.
Ky rezultat i siguroi asaj 36 pikë për renditjen e Kupës së Botës dhe afron më shumë kualifikimin për Lojërat Olimpike Dimërore 2026 në Milano-Cortina.
Në fillim të sezonit, në Kupën e Botës të Kranjska Gora në Slloveni, Lara arriti një tjetër podium, duke zënë vendin e dytë pas fitueses së etapës, Sara Hector.
